父親不敵癌魔病逝 袁偉豪傷痛欲絕:子欲養而親不在…
2018年05月17日13:12

袁偉豪父親與癌病搏鬥多年,近年擴散至肝部,無藥可施,袁偉豪只能盡孝子本份,工作之餘全心全力照顧家人,珍惜與父親相處的最後時光。惜袁爸爸最終不敵病魔離世,傷心欲絕的袁偉豪在社交網寫下沉痛感言:「樹欲靜而風不止 子欲養而親不在」

原文:東方新地|圖片:IG benontheroad

延伸閱讀:

本港麻疹未有擴散跡象 若已接種兩劑麻疹疫苗 保護率已相當高

【親子好去處】香港教育大學「編程嘉年華」現已接受報名

袁偉豪父親不敵癌魔病逝

「樹欲靜而風不止 子欲養而親不在 爸爸永遠懷念您」袁偉豪的爸爸與癌病搏鬥多年,最終不幸在凌晨時份離世。傷心欲絕的袁偉豪在社交網站公布父親離世的消息,寫下感言及上載多張與父親的合照、以及父親年輕時的照片。袁偉豪又叫爸爸好好休息:「放心,媽媽交給我吧。」

袁偉豪:你是我心目中最堅強的爸爸

人稱泰哥的袁偉豪爸爸,從前是一名警察,從袁偉豪上載的照片可見袁爸爸年輕時一臉英氣,當中有其穿上警察制服的舊照,亦有一家人的家庭照。袁偉豪稱爸爸是一位為市民服務的好警察,又寫道:「你是我心目中最堅強的爸爸,辛苦你了。不再痛苦,好好休息。」

袁爸爸年輕時的照片
穿警察制服的舊照
舊家庭照更令人懷念

袁偉豪拍拖盡孝心

本刊記者早前影到袁偉豪陪爸爸飲茶,問佢爸爸依家情況點?袁偉豪當時答:「爸爸嘅病情好反覆,有時夜晚會呼吸困難,抖唔到氣,依家唔使住院,因為身體虛弱冇任何治療可以再做,亦食唔到嘢,只靠營養奶粉。依家都係一有時間就陪爸爸,同屋企人有共識,想全天候都由親人照顧佢,唔想佢因為我哋疏忽而跌親受傷,媽咪做埋呢個月就退休,佢都會好辛苦,所有一有時間就陪吓佢哋,想盡量做好啲。」

袁偉豪
袁偉豪
當日袁偉豪與女友張寶兒以牛仔工人情侶裝出動,由將軍澳寓所出發到黃埔陪父母飲茶,離開時袁偉豪負責護送坐輪椅的父親。
袁偉豪
袁偉豪
袁父與癌搏鬥多年,經過多年治療身體變虛弱,外出要穿羽絨保暖。推住輪椅的袁偉豪一直愁眉不展,心情看來很差。

係咪搵過晒啲偏方去醫爸爸?袁偉豪表示:「有段時間係,朋友亦有好多偏方提議,不過依家唔敢試,佢唔係癌症初期,未必承受到。依家keep住睇中醫,爸爸心態上好堅強,我做仔亦會全力support佢。聽到佢有時講好辛苦會唔開心,佢話瞓唔到,我會好擔心。又會諗番起以前細嗰嘅嘢,見完佢返到屋企靜落嚟會好心嗡。」

袁偉豪
袁偉豪
袁偉豪推父親到附近上車,其母與女友亦陪伴左右。扶父親上車時,袁偉豪用手護住車頂位置免父親撞到,非常體貼,而張寶兒則協助袁母收起輪椅。

袁偉豪
袁偉豪

認有經濟壓力

問佢呢幾年忙工作有冇忽略屋企人?袁偉豪話:「坦白講,雖然大時大節有返去食飯,但呢兩年真係好忙,我錯失咗好多嘢,嫲嫲過身、啲貓貓狗狗要走,見唔到佢哋最後一面,我喺事業上好拚搏,有得亦有失。總之依家私人時間都會拎出嚟陪家人,好似畀你哋影到呢次,我都係去相熟酒樓搵間房同屋企人飲茶,希望有個舒服嘅空間。」

袁偉豪
袁偉豪
身心勞累的袁偉豪承認最近因家事經常乸口乸面,不過他認為自己處理得到,再加上有女友張寶兒的支持,人生低潮總會過去的。

提及爸爸嘅醫藥費都係佢負責?袁偉豪答:「早幾年佢有保險,近年醫藥費同生活費都交畀我,屋企人對我嚟講好重要,我仲有能力,又係長子,頂得住。」經濟上壓力都好大?係咪為搵錢養家好努力工作?袁偉豪直言:「呢個都係㗎!好彩我有個好好嘅經理人,佢幫我喺開新劇前接咗好多出面嘅搵錢job,亦多謝好多客戶肯用我。

袁偉豪
袁偉豪
問到女友係咪好支持佢?袁偉豪說:「佢全力支持我!寶兒係一個好sweet好正面嘅女仔,佢好明白呢刻我要照顧好屋企。」
袁偉豪
袁偉豪
袁偉豪陪完父親飲茶即與女友駕車返回將軍澳愛巢休息。

壓力大甩頭髮

心理壓力大唔大?袁偉豪話:「呢個月心情好沉重,大家都睇到我個樣好唔開心,仲甩咗好多頭髮,有壓力所以甩多咗。坦白講,好難每個場合都咁完美、咁寬容去面對,有時出席活動對住鏡頭笑完,再見到fans我已經冇晒心機,唔想刻意去扮開心。怕唔怕會有情緒病?我覺得自己處理到,不過近排有啲宣傳訪問都推咗,連買咗嘅Burno Mars飛都送咗畀人,真係冇心情,有時唔想見人。」

袁偉豪
袁偉豪
因憂心病重父親,既要工作又要抽空照顧,袁偉豪壓力大到狂甩頭髮,平時出鏡都會刻意遮掩,不過私底下的生活照卻見髮線變得稀疏,驚現頭皮。

延伸閱讀:

親子好去處 一家三口二百蚊留港hea宿營

更多新聞