【專訪】全城慶賀姜皓文奪金像男配:為生活可以放低一陣但唔可以放棄!
2018年05月03日11:02

如看不到,請到YouKu

「黑哥」姜皓文今年憑電影《拆彈專家》及《大樂師.為愛配樂》叫兩飛,成功奪得金像獎「最佳男配角」。黑哥直認奪獎後壓力大增:「有好多問號」原來全因不想令支持者失望,所以未來將更努力拍更多好戲!

得獎後有種使命

姜皓文入行33年,今年終於憑《拆彈專家》奪得金像獎「最佳男配角」,他直言得獎後心態沒大轉變,不過有種使命:「唔想大家支持我咁多,但令大家失望!嚟緊會更精彩回饋番畀支持我嘅朋友。」問到是否壓力大增,黑哥表示一定會,因為奪獎後會有好多問號,自己胡思亂想:「係唔係我真係應得呢?」

下個目標直指「最佳男角」!?

談到下個目標,黑哥笑言今次目標都是「最佳男主角」而非「最佳男配角」:「冇話最好只有更好,好似我開工咁,每一日都有新發展,新的動向。希望將來畀我撞到更多好角色,希望大家繼續畀多啲機會我。」哥今次憑《拆彈專家》奪獎,但問到演過的多部電影中,最愛哪一部?他表示自己喜歡《盲探》中飾演的神經病司機陳廣:「之前聽杜琪峯導演講仲激,連條短裙仔都冇得着!我幾期待啊!」

曾打算轉行,黑哥試過開私房菜!

入行多年不是順風順水,黑哥表示曾經有一段時間完全沒工作:「我鍾意煮嘢食,我有一班廚師朋友,咁嗰段時間為生活為家計都冇理由坐喺度等運到。所以我去咗做私房菜,做咗一年到兩年。」之後又一直等機會出來拍戲:「我成日都話為生活可以放低一陣但唔可以放棄!」

在重複的角色中找新方法演

問到有沒有角色是自己好想演,黑哥直言不是想演就能演:「始終有咁多導演用過你咁多套戲,知道你長處係咩,你來來去去都係呢啲角色,只可以喺重複角色入面去用另一方法演更好!」

拍電視劇照顧電視機前觀眾

亞視出身的黑哥近年主力拍電影,笑指出街有時見到一些少入戲院睇戲的朋友,仍會問他:「亞視冇糧出,你點算啊?」所以黑哥直言想試試水溫,再拍電視劇,今年已落實拍無綫劇的合拍劇。

更多新聞