迫住求婚 | 情人節晚,我目擊一場「無位跪地」的求婚
2018年02月13日14:07

無錯!編輯S曾在情人節當日去中環海濱的玫瑰燈海園 Light Rose Garden ,人潮迫爆、趕鴨式入場,結果白花在腳邊匆匆略過,唔知睇咗啲乜,如此掃興場面,竟然還見到有人求婚!

延伸閱讀:

日本shopping買爆喼點算好?港媽教路船運寄返港攻略

日本羽田機場免費SIM卡!| 2月5日起開始訪日港台旅客獨享!

男士注意:

  • 在女生心目中,求婚一定要浪漫!
  • 最好別在太擠迫的環境,一來人多尷尬,二來至少要預留跪地空間!
  • 原則要記住:進可攻、退可守、小心圍觀花生友!
求婚
求婚
電影《此情此刻》劇照

7 點到場,第一個失誤係自己無做足功課,發現「中環海濱」原來唔係中環出閘!完全行錯路,好在無嗌交;兜回金鐘海富A出口,隨人潮迫上天橋,才發現實情不妙,人多到根本看不到花!好不容易排隊入到場,如果你要影花,那麼恭喜你!你要再迫過!

員工突然呼籲「散開!散開!」

求婚
求婚
玫瑰花海勁擠迫。

擠了約二十分鐘,終於「攝」入花壇之間的窄路,見到少少花,突然聽到站在花圃內的工作人員大叫:「向後退!有人要求婚呀!你哋一路咁向前推,佢跪唔到落地啦!」

求婚男尷尬單膝跪地

之後人群的確停止向前推,不過空間仍然好細,於是站在求婚情侶身後的一名男士開聲幫拖:

「喂!有人求婚呀!大家唔好再推!同埋畀啲掌聲吖!」

那一刻,我好自然就認為那名男士是求婚男的兄弟、幫手搞氣氛,兼夾控制場面啦。而求婚男都勉強單膝跪地。

大概是群情起哄加上場出乎意料的擠迫,求婚男士顯得勁尷尬,倉皇失措多過情深款款,雖然我正正站在求婚情侶身邊,不過完全聽不到他的求婚台詞!至於女方,似乎沒有很感動的反應!

花生友騎劫聲援,求婚男勁尷尬

同一時間,無數閃光燈都由花海轉移瞄準二人,瞬間變主角,感覺似藝人被N個鏡頭影住一樣。

求婚
求婚
N個鏡頭影住同一個位。

之前幫手帶動氣氛的那名男士,又再起哄:「大聲啲啦!聽唔到呀!」然後還帶起人群叫囂,這時候我開始發現熱心男原來只不過圍觀的花生友路人甲。

終於,求婚完成,女方急急點頭(編按:侷上轎,其實仲可以點答?),當求婚男想起身,工作人員竟然制止住:

「你好似仲差啲嘢未做!」

在無數雙眼睛盯著底下,求婚男秒速吻了女方一下,現場(同樣也由花生友帶起)一片掌聲!

求婚男匆匆拖著「未婚妻」離開!老實講,作為女士,我完全唔覺得感動,戥女事主感到汗顏!

求婚
求婚
圖片來源:health.howstuffworks.com

在如此擠迫、欠浪漫情況下「被求婚」,事後仲要好似做錯事般閃電離場,逃脫的速度恍如搵窿瓹……陰功,相信不會是雙方心目中的完美求婚場面吧?

下一頁:情人節出街畀「節日價」……不如儲埋去旅行好過

相關閱讀:【情人節放閃】星空攝影師分享|情侶呃like自拍秘訣

延伸閱讀:

罪案率極高!韓國3大危險地區|首爾地鐵2號線、旅客常到景點都有份!

更多新聞