【意外意外 意料之外】男童竹籤直插眼眶深埋4公分
2018年01月11日17:28
8295
8295

日前大陸浙江溫州一名2歲男童食完關東煮後沒有丟棄竹籤,直接拿在手中玩耍,冇諗過竟然跌倒,竹籤就直接插入眼眶,嚇得屋企人立即送男童到醫院急救。

20180111 8295 V01
20180111 8295 V01

據內地傳煤報導,中國大陸浙江溫州鹿城區一名2歲男童,與家人外出食關東煮,手中拿著食完關東煮未丟棄嘅竹籤玩,期間唔小心跌倒,手中嘅竹籤直接插入眼眶深達4公分,家人立即送男童到溫州醫科大學附屬第二醫院急救。

20180111 8295 V02
20180111 8295 V02

男童送醫治理,醫生檢查後表示,竹籤在男童鼻根部進入右眼嘅上眼眶,好彩冇傷及顱內和眼球,但插入深度有4公分,如果竹籤再偏一點,就有可能插入眼球,間接會影響到視力。男童手完術取出竹籤後,傷口已經開始消腫,也沒有感染嘅跡象,目前視力稍有影響,但也只是暫時性,會逐漸恢復,男童日前也已出院。

小朋友被尖物刺傷嘅現象並唔罕見,尤其學齡前嘅小朋友更易發生,醫生都提醒家長,唔好比3到5歲嘅小朋友玩尖銳物品。

相關內容 【家長必睇!】澳洲8歲男孩玩沙被活埋【旅行大晒】父母去旅行 留700蚊比11歲子照顧自己

想追蹤更多最新最好的親子資訊?請瀏覽我們 親子頭條專頁

更多新聞