【料事如神?】東鐵線壞車 乘客諷刺港鐵 FB 舊帖:香港人至叻就係執生!
2018年01月11日17:34

今日早上上班繁忙時間,港鐵東鐵線發生訊號故障,一度全線暫停服務,影響不少打工仔,事後有網民於港鐵 Facebook 專頁發現,早前有帖文指「香港人至叻就係執生!返工要執生,做人要執生......」,遭網民揶揄「要執生一定係搭港鐵」。

今日上午 9 時半,東鐵線因為發生訊號故障,一度全線暫停服務兩小時,令不少趕上班的打工仔被殺得措手不及,部分人更一度被果車廂一小時。雖然港鐵事後安排接駁巴士接載乘客,不過面對沿沿不絕的人龍,接駁巴士明顯未能消化。

有網民事後到港鐵 Facebook 專頁發洩怒火,發現本周二 ( 9 日) 港鐵曾有一則宣傳站內藝術展覽 的帖文寫道:「香港人至叻就係執生!返工要執生,做人要執生,但原來... 城市同建築都要執生!」被網民揶揄「要執生一定係搭港鐵,服務廢車費貴之餘仲成日壞車」、「返工我點執生都俾你害死啦,困人係車一個鐘都無辦法俾人落車,最無資格講執生係你地囉」。

更多新聞