家有寵物!應該如何清潔消毒?
2018年01月08日11:50

好多養寵物嘅朋友都煩惱,想將屋企地板清潔消毒,令佢地同屋企人都能住得舒適健康,但其實清潔劑實屬化學物,對寵物有害,頭都大埋!

0
0

細菌、病毒避無可避

因為擔心寵物接觸到致病細菌及病毒,所以希望用有效家居消毒用品來清潔,但大家亦要接受一個現實,無論你幾勤力清潔地板,只要住係香港呢個人煙稠密嘅地方,空氣質素差、公德意識又薄弱,病菌、病毒根本時刻跟著你,就如空氣中嘅泥塵、微粒,一律避無可避。

不過,地板同所有平面上積聚嘅塵垢始終要打理一下,所以日常家務拖地係必要嘅,但作為飼養寵物之人,除殺病菌、病毒,更需要留意清潔消毒劑成分對貓是否有害。基本上,大部分都號稱對人安全,其實未必安全。唔少主人都會盡力係防範疾病惡菌與寵物安全之間作平衡,選擇溫和或對寵物無害消毒清潔劑。

0
0

根據外國一個報告,相對於狗,貓家居用品中毒個案其實較少,而家居消毒用品中毒更少,原因細貓本身對食、飲都十分挑剔,未必會誤吃有毒物質。不過,貓係活動時間裏嘅5-25%,會用舌頭舔毛同為腳掌清潔,如佢地身體沾上有毒物質,就易食入肚裏,所以要留神,使用任何家居化學品時都要閱讀其說明及警告,應按指定劑量稀釋使用。

留意避免在有寵物嘅地方使用酚類(Phenols)成分消毒清潔劑,漂白水亦一樣都須小心使用,較唔適宜作全屋地板清潔。雖然坊間已有大量產品註明對人及寵物安全,盡量待地板乾後先俾寵物活動,使用後嘅清潔消毒劑應即蓋好和存放於寵物接觸唔到嘅地方,拖地水用後應倒掉及清洗水桶,避免誤飲誤舔。

(文:呀J)

(以上圖片均來自網路,如有任何版權問題,請與本站聯絡)

原文連結:

家有寵物!應該如何清潔消毒?

相關文章:

壓力大易傷「心」!得舒飲食VS地中海飲食,誰比較抒壓護心?

裝修佬

致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。

更多新聞