【上下其手】王浩信張振朗忘晒形「千雪BB」慘被非禮
2017年08月13日07:00

大台劇《踩過界》反應唔錯,不過一班演員冇偷懶,依然落力宣傳。呢日王浩信、李佳芯、蔡思貝、張振朗、陳庭欣同翟威廉等,就去到深水埗做宣傳,不過朱千雪冇去到,大會就搵咗個千雪BB攬枕頂替佢。

唔知張振朗係咪玩得太開心,佢做直播時,唔小心將隻手放錯喺千雪胸前,仲好大力咁「揸」落去,佢發現之後就勁尷尬,即刻縮手。而「盲俠」王浩信亦都一樣,佢要蒙眼摸攬枕,蔡思貝就硬拉王浩信隻手摸落「千雪BB」個胸同下體,Ali仲笑到收唔到聲!

另外,有傳李佳芯同ViuTV主持陳炳銓拍拖,被公司「拆散」,佢呢日回應話:「但我本身都低調,依家正常交往。」又話「我角度睇唔覺女尊男卑,同埋做朋友舒服、開心就得。」

更多新聞